Shillong, Naiwieng 04 : Ki paidbah nongshongshnong ka Boldamgre, South West Garo Hills, ha ka sngi Nyngkong, kila ioh ban kem ia 7 ngut ki nong Bangladesh kiba rung beain shapoh u pud u sam jong ka Shnong.
Ia kine ki briew la aiti noh sha ki Pulit ka Kalaichar Patrol Post kynthup ia ki mar ba ioh kurup kynthup ki passport ka Bangladesh, ka pisa Bangladesh, ki mobile phone.
Kane ka jingiohkem ka dei shibynta na ka jingiaid khynra hapdeng ki Pulit ka District bad ki shipai BSF ha ki jaka khappud. Ha kane ka jingkhynra, ki paidbah kila ioh jingtip ia ka jingwan rung ki briew bad mar mar kila leit bat bad la pyntip sha ki shipai BSF.
Ia kine ki briew la register case ha Mahendraganj Police Station, South West Garo Hill bad ka jingtohkit mynta kala iaid shakhmat.
Ha kawei pat ka jingjia ba jia myn ha ka 27 tarik Nailur, ki shipai kila ioh kem ia 10 ngut ki nong Bangladesh kiba dang shong ha kawei ka auto rickshaw ha ka thain Boirakupi, Zikzak.
