Shillong, Risaw 28: Ka District Legal Services Authority, East Khasi Hills District ryngkat ka jingiatreilang bad ka Meghalaya State Legal Services Authority bad ka Meghalaya State Pollution Control Board hynne ka sngi Nyngkong kila pynlong ia ka Legal Awareness Programme bad ka jingpynkhuid ha Khohramhah kaba hap ha Sohra Civil Sub Division.
Ki riewshemphang kiba la wan ban ai jingkren bad jingbatai ha katei ka prokram ki kynthup ia ka Kong B. Jyrwa kaba long ka Assistant Legal Aid Defence Counsel/Nayaya Rakshak, Shillong kaba la kren halor ka mat “Penalty and Procedure of Water (Prevention and Control of Pollution Act, 1974).
Katba u Bah S. Syiem, Environmental Engineer jongka Meghalaya State Control Pollution Board, Shillong ula ai jingkren ha kaba iadei bad ka rukom treikam jongka State Pollution Control Board lyngba ka Water (Prevention and Control Pollution Act, 1974).
Kiwei kiwei kiba la ai jingkren ki kynthup ia u Bah Redly Thabah, PLV, Shillong, ka Kong P. Nongrum kaba dei ka nongiasaid aiñ, Shillong Bar Association bad u Bah Jerry Well War, U Rangbah Shnong ka Laittyra.
.){kind=link}