Shillong, Risaw 28: Ka Khasi Student Union (KSU) hynne ka sngi Nyngkong, kala teh ia ki ‘Banner’ ha kylleng ka Nongbah Shillong ban kynmaw ia ka sngi pyrshah ban tih ia u Uranium ha kane ka jylla.
Ka 28 tarik Risaw man la u snem kadei ka sngi pyrshah Uranium lane ka ‘Anti-Uranium Day’ hapoh ka Jylla.
Kane ka jingleit wah ka KSU ia ki jingthoh bapher bapher, kadei ruh ban kynmaw burom ia i Meiieid Spility Lyngdoh Langrin (Bam Kwah Dwar u Blei) ha ka lyngkhuh sngi iap ba 4 snem, iba la ieng rangbah ban pyrshah jur ia ka jingthmu ka Sorkar Pdeng ban tih ia u Uranium na Domiasiat South West Khasi Hills.
Lah ban kdew ba kala don ka jingkynnoh ba ka Uranium Corporation of India (UCIL) kala tyrwa da ki phew hajar klur ia ka Meiieid Spility Lyngdoh Langrin (Bam Kwah Dwar u Blei) ban ioh tih Uranium hynrei kala kyntait bad kala pyrshah jur ban tih Uranium uba don ha katei ka thaiñ.
