Tura, Naiwieng 16: Ka ophis treikam kaba thymmai jongka Meghalaya Public Service Commission (MPSC) ha Dakopgre, Tura, kala pynlong ia ka jingthoh eksamin ha ka sien ka banyngkong eh ha ka sngi Saitjaiñ na ka bynta ki samla jong ka rilum Garo.
Kila don baroh 50 ngut ki samla kiba la wan thoh eksamin na ka bynta ka kyrdan Junior Engineer Grade-I (Civil) ha ki tnad bapher bapher, kiban long ruh ka ‘Batch’ banyngkong ban ioh jingmyntoi na kane ka centre ka bathymmai.
Ia kane ka centre jong ka MPSC la plie da u Myntri Rangbah ka Jylla u Conrad K Sangma, dang ha ki khyndiat taiew.
Kane ka ophis treikam ha Tura ka thmu ban pynduh noh ia ka jingeh jong ki samla kiba hap ban shong kali da bun kynta ban leit leh ia ka ‘Interview’ shaduh nongbah Shillong.
U Myntri Rangbah ula don ia ka jingiohi jngai ba kane ka ophis treikam kan dei ka jaka kaba ki samla kin ioh ban ialeh ia ki eksamin thungkam thungjam bad ruh ban leh ia ki ‘Interview’ kaba kin ym donkam shuh ban jrem ka met ka phad bad ban pynthikna ba kin lah ban leh bha bad ban ioh ia ki lad bad ia ki kabu bapher kiba ai da ka sorkar.
Ka jingtei ia ka ophis treikam ka MPSC ha Tura ka long ka sienjam kaba kongsan kaba la shim da ka sorkar jylla ban pynthikna baroh ki samla ka rilum Garo kin ioh ia ki lad ban ialeh ia ki eksamin thungkam ki bapher bapher.
 ha Dakopgre, Tura, kala pynlong ia ka jingthoh eksamin ha ka sien ka banyngkong eh ha ka sngi Saitjaiñ na ka bynta ki samla jong ka rilum Garo.){kind=link}