Elekshon MLA-2023 : Ka la dei sa ka pali jong ka Congress ha Nongstoiñ, ong u Bah Gabriel

Date:

Share post:

Nongstoiñ, K’lyngkot 19: U Bah Gabriel Wahlang MDC u ba long ruh u kyrtong sha ka MLA elekshon 2023, u la ong ba mynta ka kynti ka la dei sa ka pali jong ka Congress ban jop ha Nongstoiñ Constituency.

Haba ai jingkren ha ka jingïalang jong ki nongkitkam ka party Congress ha Bishop Hall Nongstoiñ, u Bah Gabriel Wahlang u la ong, “To ngeit ba ngin jop ha une u 2023, kata ryngkat ka jingdwai ha u Blei bad ryngkat ka jingtrei shitom. San snem ngi la dep jaw ki ummat, pynban mynta u snem kin long ki mawlynnai na ka bynta ka lawei ka jong ngi”.

U la ong ruh, “Ha kine ki sngi, kin sa bun ki ban sa wan ban pynbiej ïa phi, hynrei ieng skhem bad shaniah. Ha kine ki sngi la mih ki jingkynnoh ba nga la shah thied da ki klur ha ka NPP kiba long tang ki jingpynthame, namar ki la tieng ba ka Congress kat nang mih ki sngi ki la nang trei shitrhem, bad pynkhlaiñ bad ka party ruh ka la nang khlaiñ ban poi sha ka thong jong ka jingjop”.

Ha ka jingïalang hakhmat jong ki hajar ngut ki nongkitkam bad nongkyrshan, u Bah Gabriel u la pynshai paitbah ruh halor ka video ba la pynsaphriang paitbah bad par stet ha ki social media, ha kaba u la ai jingkren khublei ïa u Bah Macmillan Byrsat MLA, Nongstoiñ ha ka sngi ba plie ïa ka Girl’s Hostel ha ka shnong Pyndengrei ha ka 30 tarik Nohprah 2022.

“Nga kren khublei ïaroh pharshi khnang kumtei, namar ba katba don ki jingïalang u MLA u la kam bad u ong kham lah ma u 5 snem ban ïa nujor bad kiwei ki MLA 45 snem” ong u Bah Gabriel haba bynrap “Kane ka jingkren jong u ka long ba um don jingkheiñ snep lane khlem da burom bad ai khublei ïa kiwei ki MLA kum u Maieid (L) Hopingstone Lyngdoh MLA, Bah Francis Mawlot MLA bad kiwei ki MLA ba la wanrah jingmyntoi ïa ka Nongstoiñ”.

Une u MDC ula ong “Ïa kane ka jingkren jong nga la pynkiew skong ïa ka NPP bad la shim kabu politik ruh da ka UDP bad kiwei ki Political Party. Hana ki ong ba ka Congress ka don ka jingïadei bad ka NPP. Nga pynshai ïa phi ki paidbah bad ïa ki nongkyrshan jong nga, ba baroh ki jingkynthoh ki long tang ki jingmutdur sniew jong no re jong no, ba khlem nongrim”.

“Nga ieng beit ha ka nongrim jong ka Congress, ban wanrah biang ïa ka jingsynshar laitluid bad ban ïaleh pyrshah ïa ka jingshah thombor ïa ka hok ki paidbah ha baroh ki liang. Sngewbha wat ngeit biej ïa ka jingpynthame bad ka issue politik jong kiwei”, u la ong.

Share post:

spot_img

Popular

More like this
Related

Ujor ejahar u MLA barim ka Mawlai ba pynsaphriang khubor lamler ha Social Media

Shillong, Iaiong 16 : U MLA barim ka Mawlai...

Kurup ki BSF ia u kwai supari ba shongdor T. 14 lak

Shillong Iaiong 16: Ki shipai BSF bad ki pulit...

Shillong Premier League | Pynsangeh ka SSA ia ka jingiakhun ba thut ka suinbneng

Shillong, Iaiong 16: Da kaba buh hakhmat ia ka...