Shillong, Nohprah 30 : Ka United Democratic Party (UDP) ha ka sngi Nyngkong, kala pynbna ia ka thup kyrteng ba-ar jong ki khyndai ngut ki kyrtong ki ban mih iakhun ia ka elekshon MDC sha ka IIngdorbar KHADC bad JHADC, ka ban long la 21 tarik Rymphang, 2025.
Napdeng kine, hynriew ngut ki kyrtong ki dei na ki constituency ka Jaintia Hills Autonomous District Council (JHADC) bad lai ngut ki dei na Khasi Hills Autonomous District Council (KHADC).
Ki kyrtong ka JHADC ki kynthup ia u Bah Medling M Swer – War East, Kat Kassar – War Central, Shlur Lamin – War West, Damian S War – Mynsngat Khanduli, Rimilanki Synnah – Nartiang-Wahiajer, Wailad Siangshai – Musniang Rangad.
Jong ka KHADC, ki kyrtong ki dei u Bah Suly Lyngdoh – Mawsynram, Gilbert Laloo – Mylliem bad Ryngkatlang Lyndem – Langkyrdem Laitkroh.
Haduh mynta, ka UDP kala dep ban pynbna haduh 35 ngut ki kyrtong ha kaba 19 ngut ki dei na ka bynta ka KHADC bad 16 ngut jong ka JHADC.
Haba kren ha ka jingialang ba long hapoh ka Ophis ka Party, u President ka UDP Bah Metbah Lyngdoh ula ong “Ngi sngew skhem ba ka party kan jop ha kane ka elekshon ADC ban wan”.
Haba pynpaw ba ki kam ban jied ia ki kyrtong ki dei kiba la leh haba shit haba shai, ula ong “Ka bor kam shong ha ka State Election Committee lane ki District ne Circle hynrei ka bor ka shong ha ki paidbah, kiba la mynjur bad ai ia ka jingkyrshan jong ki sha ki kyrtong jong ngi”.
Kat kym ka jingong jong u, ta ka daw ka rukom iajied ia ki kyrtong kala sdang naduh ki Shnong ki Thaw hashuwa ba kin poi sha ki kyrdan jong ki Constituency, District bad ka Jylla.
 ha ka sngi Nyngkong, kala pynbna ia ka thup kyrteng ba-ar jong ki khyndai ngut ki kyrtong ki ban mih iakhun ia ka elekshon MDC sha ka IIngdorbar KHADC bad JHADC, ka ban long la 21 tarik Rymphang, 2025.){kind=link}