Shillong, Nohprah 30 : Ka ding kaba klang bha, kala bamduh iaka Iing ha ka shnong Kut kaba hap hapoh ka Mawryngkneng Constituency, East Khasi Hills ha ka janmiet sngi U Blei, kaba pynlong ia kawei ka Longiing ban sah khlem iing tang da ki sngi shuwa u snem Thymmai.
Ia kane ka ding la lap da ki nongleit lynti kiba la pyrta briew mar mar ban iarap tem ia ka ding.
Kane ka Iing ka dei jong ka kong Nidasris Pde. Donbok ba ym shym la don satia kano kano ka jingjia kaba sngewsih.
Kat haduh mynta ym pat lah ban tip ia ki daw jong kane ka jingpluh hynrei ka jingtohkit jong ki Pulit kala iaid shakhmat.
