Shillong, Nohprah 05: Ka Central Executive Committee jong ka seng saiñ pyrthei Khun Hynniewtrep National Awakening Movement (KHNAM) kala pynbna iaka kyrteng jong ki 8 ngut ki kyrtong ha ka wat kaba nyngkong, ki ban aireng ia ka elekshon MDC sha ka Iingdorbar Thaw Ain ka KHADC.
U General Secretary KHNAM Bah James M.A Neng ula pyntip ba ka seng kala dep ban shong jingialang hynne ka sngi Palei ban iamir jingmut halor ka thup kyrteng ba la pdiang bad phah da ka State Election Committee.
Ka KHNAM kala pynskhem ia ka kyrteng jong ki kyrtong kiban iakhun ia ka elekshon MDC ban wan sha ka Iingdorbar thawain ka KHADC kiba kynthup ia u Working President ka KHNAM u Bah Thomas Passah na Jaiaw, u Bah Joseph H Pyngrope na Sohryngkham, u Bah Pynshai Mawrie na Mawkynrew, u Bah Banplieborlang Mawroh na Langkyrdem-Laitkroh, u Bah Peter Challam na Laitumkhrah-Malki, u Bah Raymond Basaiwmoit na Mawkhar-Pynthorumkhrah, Bah lasuklang War na Shella bad u Bah Baristar Poul Thyrniang na Mawkyrwat.
 kala pynbna iaka kyrteng jong ki 8 ngut ki kyrtong ha ka wat kaba nyngkong, ki ban aireng ia ka elekshon MDC sha ka Iingdorbar Thaw Ain ka KHADC.){kind=link}