Shillong, K’lyngkot 27: U National General Secretary ka NPP bad u Symbud Myntri Rangbah Bah Sniawbhalang Dhar ha ka sngi Nyngkong ula pynpaw iaka jingskhem ba ka seng kan jop bun ngut tam ki kyrtong ha ka elekshon MDC ha Khasi Hills Autonomous District Council (KHADC) bad Jaintia Hills Autonomous District Council (JHADC), kaban long ha ka 21 tarik u Rymphang.
“Ka NPP kan dei ka seng ka ban jop bun ngut eh bad kan thaw ia ka Executive Committee ha baroh artylli ki District Council” ong u Bah Dhar haba iakren bad ki nongthoh khubor.
Ula ong ba ka lyer jong ka seng kala nang khlain man la ka sngi haba bynrap “Kane kadei namar ba ki paidbah ka jylla ki kwah ia ka roi ka par”.
“Kumta ka jinglong jingman ka long kaba bha ia ka seng ha baroh artylli ki District Council” ong u Bah Dhar.
