Shillong, K’lyngkot 24 : U Symbud Myntri Rangbah ba khmih ia ka District Council Affairs (DCA) bad Home (Police) Bah Prestone Tynsong ha ka sngi Thohdieng ula ong ba ka Sorkar kala bthah ia ki Deputy Commissioner ba kin peit thuh ia ka jinglong jingman bad aiti ia ka kaiphod halor ka jingdonkam ia ki bor pahara na ka bynta ban pyniaid beit iaid ryntih, ba khuid bad ba iaid suk ka elekshon ka KHADC bad JHADC, ban long la 21 tarik Rymphang.
“Ngi la bynshet ha ki Deputy Commissioner jong ki District bapher bapher ba kin khmih ia kane ka kam namar ka Sorkar Jylla kala dep ban ai lypa ia ki bor pahara bynrap ban pynthikna ia ka jingiaid suk ka elekshon MDC” ong u Bah Prestone haba iakren bad ki nongthoh khubor.
U Symbud Myntri Rangbah ula pynbna ruh ba ka Model Code of Conduct (MCC) kan treikam noh naduh ka 27 tarik u Kyllalyngkot ha baroh ki District kiba hap ha ki artylli ki ADC ka Ri-lum Khasi bad Jaintia.
Ka sngi ban pynthikna ia ki kyrtong ba lah ban iakhun bad ka jingaiti ia ki shap kan long ha ka 6 tarik Rymphang, kat kum ka AD Rules. Ka sngi ban thep vote kan long ha ka 21 tarik Rymphang bad ka sngi niew ia ki vote kan long ha ka 24 tarik Rymphang.
Haba kylli, u Bah Prestone ula iathuh ba u pud ban pynlut pisa da ki kyrtong ka dei kaba la buh T.5 lak marwei.
Halor ka jinglut na ka bynta ka jingpynlong ia kane ka elekshon, ula ong “Nga la ban iathuh tang hadien ba ki Deputy Commissioner kila aiti ia ki jingkhein jingdiah baroh”.
 bad Home (Police) Bah Prestone Tynsong ha ka sngi Thohdieng ula ong ba ka Sorkar kala bthah ia ki Deputy Commissioner ba kin peit thuh ia ka jinglong jingman bad aiti ia ka kaiphod halor ka jingdonkam ia ki bor pahara na ka bynta ban pyniaid beit iaid ryntih, ba khuid bad ba iaid suk ka elekshon ka KHADC bad JHADC, ban long la 21 tarik Rymphang.){kind=link}