Elekshon Lok Sabha | Rai ka Mawlai Syllaikariah ban ‘boycott’ iaka elekshon

Date:

Share post:

Shillong, Lber 28 : Ka Dorbar Shnong jong ka Shnong Mawlai Syllaikariah, hynne ka sngi Palei, kala rai ban ‘boycott’ ne ban ym iashimbynta ha ka elekshon MP-Lok Sabha ban long ha ka 19 tarik Iaiong.

Kane ka rai kala mih namar ka jingbitar ia ka Sorkar MDA ba kam shym la sngap ia ki jingkyrpad jong ka Shnong ban maramot ia ka surok PWD, ki surok shnong bad ki lynti shnong, kiba ka Tnad PHE kala pynjot bad shu ieh lyngkrang hadien ka jingwan tih ban thep pipe um la palat shisnem shiteng.

U Rangbah Shnong ka Mawlai Syllaikariah Bah C Shullai, ula pynbna ia kane ka rai jong ka Executive Committee ka Dorbar Shnong hynne ka step lyngba ki tynghung hapoh ka Shnong kum ka jingpyntip ia baroh ki Nongshongshnong.

Kane ka rai kala mih ruh namar ka Shnong hashuwa baka Tnad PHE kan wan tih ia ki surok bad ki lynti iaid kjat ha Shnong, ka dang shu dep ban shna bha ia ki da ka pisa ka shnong khlem da ap ia ki skhim MLA ne MDC ne skhim Sorkar.

Ha shilynter ka surok PWD, ka Shnong ka dang shu dep ban siang dewbilat ia baroh arliang ki bynta ba sharud jong ka surok bad ka dang shu dep shna pynbha ia baroh ki lynti shnong..ka la leh ia kane khnang ba ka shnong ka thaw kan ikhuid isuba bad lait na ka jingmih ki niut ki nier nalor ka long ruh kum ka jingpynheh ia ka surok ban pynsuk ia ka jingiaid ka ieng ki kali bad ki paid nongshongshnong.

Haba iakren bad ka Shlem, u Rangbah Shnong ula iathuh “Naduh u snem 2022, ka Tnad PHE kala wan ban tih ia baroh shi lynter ka surok PWD, ki shnong shnong bad ki lynti iaid kjat ha baroh ki kyndong kynshrot ka Shnong ba kan thep ia u pipe um rong blue (JNNURM), hynrei haduh mynta kala shu ieh lyngkrang bad khlem wan maramot shuh”.

“Ngi la leit kyrpad la bunsien sha ka Tnad PHE, dep ai jingthoh uh bun tylli sha ki Engineer bad Chief Engineer.Ngi la dep ujor ruh da ka online sha ka Grievances Cell ka Sorkar, hynrei jar jar ym don ba patiaw bad ym don ba jubab ia kane ka jingkyrpad jong ngi. Ngi leh ia kine baroh namar ngi la iohi ia ka jingeh u paidbah..Ngi leh ia kine na ka bynta ka bit ka biang u nongshongshnong bad ka Shnong, hynrei ym don ba pynsngap satia” ula ong.

U Rangbah Shnong u pyntip ba ki don ki jaka ba ka mih wat ki thliew ha ka jingwan tih lynti pyniaid pipe um jong ka PHE bad kila don ruh ki nongshongshnong kila la liat ha kine ki thliew bad kila mynsaw ei.

Ula ong ba kiba bun ki bynta jong ka surok PWD ruh kila sniew shaba palat na kane ka kam ka PHE ha kaba bun ki nongleit nongwan da ki kali arshaka kila kyllon bad don ruh kiba mynsaw.

“ Ka EC ka sngewkhia bad sngewdiaw ia kane ka jingleh jong ka sorkar. Kumta ka EC ka la rai ba ngin ym ia shim bynta ha kane ka election ka ban wan. La kyrpad ia ki nong shong shnong ba kin ia trei lang bad ka shnong” ula ong.

 

Share post:

spot_img

Popular

More like this
Related

Ujor ejahar u MLA barim ka Mawlai ba pynsaphriang khubor lamler ha Social Media

Shillong, Iaiong 16 : U MLA barim ka Mawlai...

Kurup ki BSF ia u kwai supari ba shongdor T. 14 lak

Shillong Iaiong 16: Ki shipai BSF bad ki pulit...

Shillong Premier League | Pynsangeh ka SSA ia ka jingiakhun ba thut ka suinbneng

Shillong, Iaiong 16: Da kaba buh hakhmat ia ka...