Shillong, Rymphang 24 : Arngut na ki laingut ki Chief Executive Member (CEM) barim ka Khasi Hills Autonomous District Council (KHADC), kila shah pynliem noh ha kane ka elekshon Khasi Hills Autonomous District Coiuncil (KHADC) ba niew vote hynne ka sngi Nyngkong.
Kine ki arngut ki CEM barim ki kynthup ia u Bah Pyniaid Sing Syiem kyrtong ka NPP uba iakhun na Nongthymmai constituency bad u Bah Pynshngain N Syiem, kyrtong ka Indian National Congress (INC) ba iakhun na Mawkhar-Pynthorumkhrah constituency.
Kine ki arngut ki CEM barim kila shah pynliem ha ki kyrtong jong ka Voice of the People Party (VPP).
U Bah Winston Tony Lyngdoh jong ka VPP, ula ioh haduh 9868 vote bad pynliem ia u Bah Pyniaid Sing Syiem uba ioh 6036 vote.
Katba u Bah Strongpillar Kharjana jong ka VPP, ula ioh 6982 vote bad pynliem ia u Bah Pynshngain N Syiem jong ka Congress uba ioh 4442 vote.
Lah ban kdew, u bah PN Syiem u dei ruh uba bat ia ka shuki DyCEM ka KHADC bad iehnohkam tang da ki taiew hashuwa ka jingpynbna ia ka elekshon.
Kumjuh ruh u Chairman ka KHADC Bah Lamphrang BLah ba iakhun na ka NPP na Mawphlang-Diengiei, ula shah pynliem noh ha u kyrtong ka VPP.
Tang u CEM barim Bah Titosstarwell Chyne jong ka UDP ula ioh biang ia ka jingjop na Sohra.
 barim ka Khasi Hills Autonomous District Council (KHADC), kila shah pynliem noh ha kane ka elekshon Khasi Hills Autonomous District Coiuncil (KHADC) ba niew vote hynne ka sngi Nyngkong.){kind=link}