Nongstoin, Rymphang 24 : U MDC barim Bah Srally Rashir ula wan phai biang kum u MDC ka Mawshynrut constituency da ka jingjop ia ka elekshon KHADC ba niew vote hynne ka sngi Nyngkong.
U Bah Srally Rashir u la iakhun kum u kyrtong ka HSPDP bala kyrshan radbah da u MLA Bah Methodius Dkhar.
U Bah Rashir ula ioh haduh 14067 vote bad pynliem ia u kyrteng ka NPP Bah Gardinal Sohshang uba ioh 10838 vote.
Kumjuh ruh u kyrtong shimet (IND) ka Rambrai-Jyrngam ba kyrshan da u MLA RG Momin, ula ioh ia ka nam jop da ka jingioh haduh 9992 vote.
Une u kyrtong Bah Lurshai Kharbani ula pynliem ia u MLA bad MDC barim Bah Kimfa Sidney Marbaniang jong ka NPP, uba ioh 7838 vote.
Ha Nongstoin, u Dr Juristman Iawphniang jong ka VPP ula jop da ka jingioh 16928 vote. Uba wan ba-ar u dei u kyrtong ka NPP Bah Dressar Marngar uba ioh 8210 vote.
