Shillong, K’lyngkot 31 : U Chairman ka Khasi Hills Autonomous District Council (KHADC) bad MDC Bah Lamphrang Blah hynne ka sngi Thohdieng, ula leit thep kyrteng kum u kyrtong ka NPP ban iakhun ha kaban jop biang sa shisien ia ka elekshon MDC na Mawphlang-Diengiei constituency, ka ban long ka sien kaba san.
Haba iakren bad ki nongthoh khubor, u Bah Blah ula pynpaw ia ka jingskhem jingmut ba yn wanphai bad jop biang ia ka elekshon MDC.
“Nga dap da ka jingsngewnguh ia ki paidbah jong ka constituency ia ka jingieid bad ka jingkyrshan ka jongki ha kaba kila jied ia nga ban mihkhmat saw sien lynter. Kumta nga don iaka jingmut kaba skhem ba sa shisien kin dang ai biang ka jingshaniah ha nga” ula ong.
“Kum ka seng, ngi lah leh shibun ki kam na ka bynta ka bha ka miat jong ki paidbah hynrei ki dang don bun kiba ngi dang hap ban leh. Kumta nga kyntu ia ki paidbah bad ai biang ka lad ia nga ba ngan mihkhmat biang kum u MDC u jongki sha ka KHADC,” la pynkut u Bah Blah.
