Jowai, K’lyngkot 31 : Sa 29 ngut ki kyrtong ban iakhun ia ka elekshon sha ka Iingdorbar ka Jaintia Hills Autonomous District Council (JHADC), kila pyndep ia ka jingthep kyrtong hynne ka sngi ha Ophis u Deputy Commissioner ha Jowai.
Napdeng kine ki kyrtong, haduh 11 ngut ki dei ki kyrtong jong ka National People’s Party (NPP), kiba la leit ban thep kyrteng hapdeng ka jingsynran jong u MLA ka Jowai Bah Wailadmiki Shylla.
Kiwei pat ki kyrtong ki kynthup ia 9 ngut na ka Congress, 4 ngut na ka UDP, 1 na ka BJP bad 4 ngut ki kyrtong shimet.
Katto katne ngut na kine ki kyrtong kiba kham pawkhmat ki dei u kyrtong ka NPP’s Lakhon Dkhar na Amwi Khliehtyrshi, kyrtong NPPs Bison Roy Iano na Raliang, kyrtong INC Madon Rymbai na Amwi Khliehtyrshi, kyrtong UDPsWining Garland Sungoh na Mookaiaw, kyrtong shimet Moonlight Pariat na Jowai South.
