Shillong, K’lyngkot 30 : Ka Returning Officer ka Mawlai constituency, kala ai jingbit ia ka Mawlai Town Dorbar (MTD) ba kan pynlong ia ki rynsan ialap elekshon ‘Common Platform’ jong ka elekshon MDC, ka ban long ha ka 21 tarik u Rymphang.
Kat kum ka hukum na ka RO, ka Mawlai Town Dorbar kala buh ba ki rynsan ialap elekshon ‘Common Platform’ kin sdang naduh ka 5 tarik u Rymphang bad kan kut ha ka 19 tarik u Rymphang, haba buh ruh ba ka por ban pynlong ia kane ka rynsan ka dei ban long hapdeng ka por 6 baje mynstep haduh 10 baje mynmiet.
Kat kum ka por bala buh, haduh 9 tylli ki jingialang ne rynsan Common Platform kin long ha ka por mynstep bad 8 tylli ha ka por janmiet.
Ka Common Platform kan sdang na Mawlai Syllaikariah haka 5 tarik Rymphang, por 11 baje mynstep bad yn pynkut ha Mawlai Mawiongrim ha ka 19 tarik Rymphang ha ka por 8:30 baje mynstep.
Ki Shnong ki ban pynlong ia ka Common platform ha ka por mynstep ki dei ka Mawlai Syllaikariah, Motsyiar, Phudmuri, Umjaiur, Mawdatbaki, Nongkwar, Nongpdeng, Nonglum bad Mawiongrim.
Ki Shnong ki ban pynlong ha ka por janmiet ki dei ka Umthlong, Kynton Massar, Umjajew, Iengrynghep, Umshing Umjapung, Mawiong Umjapung, Mawkynroh, bad Mawroh.
Kine ki jingialang ba janmiet ki dei kiba sdang naduh ka por 1 baje janmiet bad kaba slem eh ka dei ha ka por 8:30 baje mynmiet ha Iewrynghep.
Kane harum ka dei ka prokram jong kane ka rynsan Common Platform bala ioh jingbit.
 ba kan pynlong ia ki rynsan ialap elekshon ‘Common Platform’ jong ka elekshon MDC, ka ban long ha ka 21 tarik u Rymphang.){kind=link}