Tura, Lber 08 : Ki bor District ka West Garo Hills, kila pynjari ia ki kyndon pyrrkhing hapoh ka kyndon 163 jong ka Bharatiya Nagarit Suraksha Sanhita (BNSS), 2023, ha Tura ban pynthikna ia ka jingiaid beit iaid ryntih ka jingleit iathep kyrteng ki kyrtong ki ban aireng ha ka elekshon Garo Hills Autonomous District Council (GHADC), 2026.
Ka hukum, bala pynmih da u District Magistrate Vibhor Aggarwal, kan treikam naduh ka por 5 baje mynstep jong ka 9 tarik Lber haduh ban da pyndep iaka jingiathep kyrteng ki kyrtong.
Kat kum ka hukum, ia ki jingpyrrkhing la pynjari ban khanglad ia kino kino ki jingpynthut, ki jingbyrngem byrsit, kiba lah ban pynthut ia ka kam thep kyrteng ki kyrtong kaba la pynlong ha ka Ophis u Deputy Commissioner ha Tura, ha kaba ki Returning Officer bad Assistant Returning Office kin pdiang bad bishar ia ki kot ki sla jong ki kyrtong.
Ki bor District ki pynpaw ba ka lah ban mih ka jingpyrshang ban pynthut ia ka iaid ka ieng jong ki kali bad pynthut ruh ia ka jingim ba man ka sngi ki paidbah ha kane ka por iathep kyrteng ki kyrtong, kaba lah ban lam sha ki jingkulmar, lane ka jingpynjulor ia ki nongkynti.
Hapoh kane ka hukum, la khang ban pynthut ia ka iaid ka ieng ki kali lane ki briew, ban rah ne buhrieh ia ki tiar kum ki lathi, ki dieng, ki maw, ki missile, ki tiar siar ne ki tiar pynmynsaw da ki briew ne kynhun, bad ka jingtuklar ia ka jingplie dukan lane ki Ophis treikam.
Ka Elekshon GHADC la khmih lynti ba kan sakhi ia ka jingthnem bha ki kam sain pyrthei ha kylleng ka ri lum Garo.
, 2023, ha Tura ban pynthikna ia ka jingiaid beit iaid ryntih ka jingleit iathep kyrteng ki kyrtong ki ban aireng ha ka elekshon Garo Hills Autonomous District Council (GHADC), 2026.){kind=link}