Shillong, Nohprah 03: U Nongialam ka Trinamool Congress (TMC) Meghalaya bad Myntri Rangbah barim Mukul Sangma, u la pynbna ba ka TMC kan iashim bynta ha ka ilekshon MDC ha Garo Hills Autonomous District Council (GHADC), da kaba khot ia ki kiba kwah iakhun ban thep kyrteng.
“Ngin sa pynieng kyrtong ha GHADC bad ia kito kiba kwah ban iakhun kum ki kyrtong jong ka TMC ngin khot ia ki ban aplai Ticket” la ong u Dr Mukul haba bynrap ba shen ka Party kan sdang iakren halor kane.
U Dr Mukul u la ban jur ia ka jingdonkam ban tei bad ban wanrah pat ia ka burom jong ka GHADC da kaba pynpaw ba ka jinglong jingman mynta ka long kaba sngewkhia.
“Kumno ka GHADC ka la shah pynhiar kyrdan kaba la ai daw ia ki paidbah ka Jylla ban peit, hato ki bor kiba don ka jingkitkhlieh ia ka jinglong mynta jong ka GHADC ki don ia kiwei pat ki jingthmu ki bym iahap bad ka jingthmu jong ki paidbah” u la ong.
U la ban jur ia ka jingdonkam ia baroh ki seng sain pyrthei ba kin sngewthuh ia ka jingkitkhlieh jongki ha kaba pynkhlain ia ki Autonomous District Council (ADC) hapoh ka Jylla khamtam ha kaba ia dei bad ka khyrnit ba hynriew jong ka riti synshar ka ri India.
“Ka dei ka kamram jong baroh ki seng saiñ pyrthei ban sngewthuh ïa ka jingkitkhlieh ban pynkhlain ïa ka GHADC, ka jingsngew kitkhlieh ka i kumba ka lait na kata, lane ka lait na ngi namar ka jingbym don jong ka” u la bynrap.
U nongialam ka TMC u la ai jingmut ruh ia ki jingiateh lok lane ka jingiatreilang bad kiwei ki seng sain pyrthei kiba don kajuh ka jingmut jingpyrkhat, da kaba pynpaw ba ki lah ban iatreilang bad kiwei pat ki Party ha baroh 29 tylli ki constituency ban pynurlong ia ka thong jong ki ban tei pat ia ka GHADC.
 Meghalaya bad Myntri Rangbah barim Mukul Sangma, u la pynbna ba ka TMC kan iashim bynta ha ka ilekshon MDC ha Garo Hills Autonomous District Council (GHADC), da kaba khot ia ki kiba kwah iakhun ban thep kyrteng.){kind=link}