Shillong, Naiwieng 27 : Ka Constitutional Rights Forum (CRF) kala kyntu ia baroh ki seng sain pyrthei ba kin sangeh ka ai ticket sha ki bar jylla ha kane ka elekshon ban wan ka Garo Hills Autonomous District Council (GHADC), haba kdew ia ki kyndon jong ka Sixth Schedule ka Riti Synshar ka Ri.
“Ngi kyrpad rit ia phi ban bthah ia ka partu ba kan sangeh ai ticket ia ki bar jylla na ka bynta ka elekshon GHADC bad pyrshah ruh ia ka jingiashimbynta jong ki ha ka elekshon. Kane kan long kat kum ki kyndon ka Sixth Schedule jong ka Riti Synshar ka Ri bad kan pynthikna ia ka jingiada ia ka hok bad ka jingmyntoi jong ki paid riewlum” ong ka Forum ha ka shithi bala phah sha ki Seng Sain Pyrthei ba kynthup ia ka NPP, TMC, Congress, NCP, UDP bad kiwei kiwei hynne ka sngi Palei.
“Ngi sngewkhia ba ka jingshah ia ki bar jylla ban iashimbynta ha ka elekshon GHADC kan pyntroin noh ia ka hok bad ki jingmyntoi jong ki paid riewlum” kala bynrap.
Ka GHADC ka dei ka jaka treikam ba kyrpang bala thaw na ka bynta ka bha ka miat bad ka roi ka par jong ki paid riewlum bad ka jingpyniaid ia ka, ka dei ban shong ha ka kti jong ki riewlum, kala pynksan.
“Ngin ym pdiang ia ka elekshon MDC ban wan ha u 2026 lada shah ia ki bar jylla ba kin iashimbynta” maham ka Forum.
Ha kajuh ka por, ka Forum kala dawa ban buh noh la ka jong ka electoral roll na ka bynta ka elekshon GHADC.
 kala kyntu ia baroh ki seng sain pyrthei ba kin sangeh ka ai ticket sha ki bar jylla ha kane ka elekshon ban wan ka Garo Hills Autonomous District Council (GHADC), haba kdew ia ki kyndon jong ka Sixth Schedule ka Riti Synshar ka Ri.){kind=link}