spot_img

Eksam MBoSE | Palat 64,000 ki samla pule kin iakhun ia ka eksam SSLC lashai

Date:

Share post:

Shillong, Rymphang 09 : Haduh 64,387 ngut ki samla pule kin iakhun ia ka eksam Secondary School Leaving Certificae (SSLC-Klas X) ba pynlong da ka Meghalaya Board of School Education (MBoSE), ka ban sdang naduh lashai ka sngi.

Kane ka eksam kan long ha ki 164 tylli ki centre ha baroh ki 12 tylli ki Disrict ka Jylla bad haduh 93 tylli ki centre ki dei kiba hap hapoh ka Shillong kynthup ia ka Ri-lum Khasi bad Jaintia bad 71 tylli ki centre ki hap ha thain Tura ba kynthup ia ka Ri-Lum Garo baroh kawei.

Napdeng kine kiba iakhun ia ka eksam, 26526 ngut ki dei ki samla pule shynrang bad 37,861 ngut ki dei ki Kynthei ha kaba kynthup ia ki kyrdan baher bapher katai Regular – I: 29973, Regular – II: 16028, Private: 1455, Non Regular: 1884 , Improvement: 21 bad Compartmental: 15026.

Ki samla pule na ki 1,896 tylli ki skul bad ki jaka pule kin iakhun ia kane ka eksam.
Ha u snem bala leit, haduh 55191 ngut ki samla pule kila ialeh ia kane ka eksam bad ka jingdon jong kiba pass ka kot 55.80%.

Kane ka eksam kan kut ha ka 21 tarik u Rymphang.

Ka Eksam kan sdang naduh ka por 10 baje mynstep bad kan kut ha ka por 1 baje janmiet. Ia ki jingkylli yn sdang ban sam ha ka por 9:45 mystep bad ia ki answer script yn aiti ha ka por 9:50 mynsteo. Ki sobjek vocational, theory kin long tang shi kynta naduh ka por 10 baje mynstep haduh 11 baje mynstep.

Share post:

spot_img
spot_img

Popular

More like this
Related

Assam | Pynpra ki paidbah ia ka Madrassa ha Tinsukia ba pyniaid khlem ka jingbit ka Sorkar

Dibrugarh, Nailar 12: Kawei ka Madrassa kaba ym shym...

Khlad u runar Bangladesh ba shah bom shnong ha khappud ka SWKH

Shillong, Nailar 12 : U runar Bangladeshi ba ioh...

Durand Cup | Pyniakhaid ka Rangdajied FC da 2-2 kol ia ka NorthEast United

Shillong Naialr 12: Ka NorthEast United FC kala pynkut...

Dawa ki nongtrei 108 ban pynkiew noh ia ka tulop

Shillong, Nailar 11 : Ki nongtrei 108 hapoh ka...