Shillong, Nailar 20 : Ka Iingkashari District & Session, Shillong kala hukum ban phah set 14 sngi ha ka Judicial Custody ia ki lai ngut ki nongialam ka Khasi Students’ Union (KSU) hadien ba ki shah kem na ka jingmih ka huri hura ha ka rally thuk thuk hynnin ka sngi Balang.
Kine ki nongialam ka KSU bala ialam tian bishar ki kynthup ia u President samla Raymong Kharjana, Vice President samla Pynskhemlang Sanmiet bad u General Secretary samla Reuben Najiar.
Ka Iingkashari kala bthah ban set ia baroh lai ngut ki nongialam ka KSU hapoh ka Judicial Custody ba 14 sngi.
Haba kren sha ki nongthoh khubor hadien ba mih na Iingkashari, u General Secretary ka KSU samla Reuben Najiar ula kynnoh ba ka rai jong ka Sorkar ban kem ia ki nongialam ka dei ka jingkyrshang ban pyntlot ia ka jingiakhih ka seng.
U samla Najiar ula ong ba ka KSU kan ym kynran dien bad kan iai bteng ban pynbor ia ka Sorkar ba kan pyntreikam ia ki mat dawa ka seng.
 hadien ba ki shah kem na ka jingmih ka huri hura ha ka rally thuk thuk hynnin ka sngi Balang.){kind=link}