Shillong, Nailar 31 : Ka NorthEast United FC kala ioh rah ia ka Trophy ba nyngkong eh jong ka da ka jinglong ka namtam (Champion) ka Durand Cup 2024 hadien ka jingpynliem ia ka Mohun Bagan Super Giants da ka penalty ba 4-3 kol ha ka jingiakhun ba long ha ka sngi Saitjain.
Ka NorthEast United kala behthong nadien ban ioh ia kane ka namjop hadien ka jingshah thep haduh 2-0 kol ha ka kylla step.
Ka NorthEast United kala wanphai sha ka kylla miet da kawei pat ka rukom ialehkai bad kala iakhundohkha ban ioh pynphai ia baroh ar kol ban pyniakhaid.
Ka Champion jong u snem bala lah, Mohan Bagan Super Giants kala ioh ia ki ar kol jong ka kylla step lyngba ka penalty kaba la ioh ha ka 12 minit, ia kaba la shut da u Jason Cummings. Hadien kane kala ioh biang ban thep ia ka kol kaba ar lyngba u Sahal Adbul Samad.
Ka NEUFC kala sei ia u Guillermo ha ka kylla miet, uba dei u nongthep kol ba bu ntam ha ka Durand Cup bad ka jingmih madan jong u, kala pynkylla ia ka jingialehkai ha kane ka kylla. Ha ka minit kaba 59, u Ajarie ula ioh ban thep ia ka kol ba nyngkong bad la pynbud da ka kol u Guillerma uba la ioh thep tang da ki second hadien ka kol ba nyngkong, ban pyniakhaid ia ka jingialehkai da 2-2 kol.
 ka Durand Cup 2024 hadien ka jingpynliem ia ka Mohun Bagan Super Giants da ka penalty ba 4-3 kol ha ka jingiakhun ba long ha ka sngi Saitjain.){kind=link}