Cachar, Nailar 31: Uwei u rangbah (30 snem ka rta) u la pom ia baroh artylli ki kti jong ka kurim lajong tang namar ka jingiakynad kam pohiing.
Kane kala jia haka miet 29 tarik mynta u bnai ha Cachar district Assam. La iathuh ba katei ka jingjia ka la jia ha ka thain Dholai jong ka Cachar District.
Une uba shah kynnoh ba pom iaki kti jong ka kurim la tip kyrteng kum u Rafique Uddin.
“U Rafique Uddin u la pyndonkam da ka wait ban pom ia baroh artylli ki kti jong ka kurim ka Rubi Begum (25 snem) hadien ka jingiania halor ka jingkynnoh ba ka kurim ka don lok shawei” iathuh ka khubor Pulit.
La iathuh ba kane ka longkmie ka dang don mynta hapdeng ka jingsumar ha Silchar Medical College and Hospital.
“Ki ju ia nia jan man ka sngi khlem daw. Ka jinglong jingman ka la kylla long kaba shyrkhei hynnin ka miet. Ngi la iohsngew ia ka jingpyrta jong katei ka kynthei bad ngi la mareh sha iing. Ngi la iohi ia ka ba ka la mynsaw jur. Ka la iathuh ia ngi ba u tnga jong ka u la pom ia ki kti jong ka,” ong uwei u para marjan.
La iathuh ba u kurim u la phet krad noh na katei ka jaka hadien katei ka jingjia.
 u la pom ia baroh artylli ki kti jong ka kurim lajong tang namar ka jingiakynad kam pohiing.){kind=link}