spot_img

DREAM Project | Aiti ka Sorkar ia ka song pisa ba T. 15 lak sha ka MTD ban iakhun ia u droks

Date:

Share post:

Shillong, Jymmang 20: U Myntri ka tnad Social Welfare u Bah Paul Lyngdoh hynne ka sngi Nyngkong ula aiti ia ka song jingiarap T.15 Lak tam sha ka Mawlai Town Dorbar na ka bynta ban tei ia ka Center ban iakhun pyrshah ia ka jingkyrni Drok.

U Bah Paul ula aiti ia ki kot ki sla jong kane ka song pisa kaba kot T.15, 65, 285 Lak sha u President ka MTD u Bah Herlambok War ha ka jingdon ryngkat ki nongialam ka MTD bad ki heh ophisar Sorkar.

DREAM Project | Aiti ka Sorkar ia ka song pisa ba T. 15 lak sha ka MTD ban iakhun ia u droks

Haba kren ha ka jingialang u Bah Paul ula ong ba kane ka song tyngka kadei ka jingai ha ka wat ka ba-ar ia ka MTD ba kan ioh ban tei pyndep ia ka Center, ka ban ai ia ka jingsumar bad ka jingiasyllok ia ki khynnah kiba kwah ban kylla noh na ka jingngop ha u drok.

U Bah Marco Mitri, Secretary jong ka Mawlai Town Dorbar ula ong ba mynshwa ki dorbar ki iakhun ia ka kyiad hynrei mynta kin hap ban iakhun tyngeh ia u drok uba dei u nongshun uba bamduh ia ki khynnah bad ki samla.

Ula ong ba ka MTD kan buh ruh ia ka Counselling Centre kaba shirta ha Mawlai Petrol Pump.

Ula ai khublei ia ka sorkar jylla, ia u Myntri Rangbah ka jylla u Conrad K Sangma, u Myntri Sorkar u Bah Paul Lyngdoh halor ka jingiarap ia ka MTD ban kyrshan ha ka jingiakhun pyrshah ia u drok.

Ka MTD kala ioh ia ka pisa T.6 Lak ha ka wat kaba nyngkong bad ha ka wat ka ba-ar kala ioh pdiang sa T.15 Lak lyngba ka DREAM Mission.

Ka MTD kala pynlut pynsep ha kaban ai jingsumar bad jaka sah ia ki 42 ngut ki samla ba kin lait na ka jingngop ha u drok bad ka MTD kala pynlut pynsep ia ka jingdonkam jong kine ki samla kin kylla noh bad ba kin iaid noh ha ka lynti kaba dei.

Share post:

spot_img
spot_img

Popular

More like this
Related

Raja Raghuvanshi murder case| What Sonam and others disclosed on Day 1 of interrogation| 11 points

Shillong, June 12: Meghalaya Police have begun the interrogation...

Hiar jurip ka Myntri Sorkar Pdeng ha WKH | Kmen ba treikam bha ka skhim JJM

Nongstoiñ, Jylliew 12: Ka Myntri ka Ministry of Health...

Sdang ka lympung Subroto Cup ha Mairang

Mairang, Jymmang 12: Ka ophis jong u District Sports...