Umroi, Jymmang 20 : Uwei u samla ula iap ha ka jingiatakhuh kali hynne ka step phyrngap hapoh ka surok National Highway-44, ha Shillong By-pass.
Kane ka jingjia kala jia ha ka por 1:50 baje ha ka shnong Umroi, Nongrah, ong ka khubor ki Pulit.
Ki iathuh ba ka jingiatakhuh kali ka dei hapdeng ka Trok AS-01-RC-3530 bala niah da u Teining Parien ba na Mootyrshiah, WJH bad ka Maruti Alto K10 ML05-S-5217 kaba don da u Donaldn P Syiemlieh ban a Demseiniong, Mylliem, East Khasi Hills.
Ki iathuh ba kane ka trok ka dei kaba kit dewbilat bad ka dei kaba dang wan na Lumshnong, East Jaintia Hills da ka jingthmu ban leit pynhap dewbilat sha Guwahati.
Ki Pulit ki iathuh ba kine ki kali kiba iatynrah parakhmat bad kala jam bha haduh ba u nongniah ka Maruti Alto K10 ula khlad noh na ka pyrthei.
Ki Pulit kila register case halor kane ka jingjia bad ka jingtohkit mynta kala iaid shakhmat.
