Shillong, Jylliew 09 : U Additional Commissioner ka Indore Police Commisionerate, Amit Singh, ula pynthikna ba ka Sonam Raghuvanshi ka dei kaba suhbuit ban pyniap iala u kurim bad ka dei ruh kaba don jingiadei nalor u lok, bad u Raj Kushwaha, uba la kem na Indore.
U Singh ula pyntip ba ki Pulit kila kem ia 4 ngut ki briew-arngut na Indore bad ar ngut na kiwei pat ki jaka jong ka Madhya Pradesh.
Kine ki saw ngut ki kyrteng u Vishal Singh Chauhan, Anand Kurmi, Raj Kushwaha bad u Vicky Thakur.
U Singh ula ong “Ka kurim u Raja ka don jingiadei ruh bad u Raj Kushwaha”.
Ula pyntip ruh ba ka Sonam kala ai lut ia baroh ki jingtip, kynthup ka GPS sha u Raj ha ka jingleit kai jong ka sha Meghalaya.
Ula bynrap ba ki Pulit ka Madhya Pradesh kila ai ia baroh ki jingiarap ia ki Pulit ka Meghalaya ban lapdien ia kine ki briew ba pyniap ia u Raja.
