Shillong, Nailur 21 :Ka Sorkar Jylla kala pynlut ia palat T. 2500 klur haba pyntreikam ia ka skhim Pradhan Mantri Gram Sadak Yojana (PMGSY) ha Jylla.
“Ka jingpyntreikam ia ka skhim PMGSY ha Meghalaya kala dep tam ia ka T. 2500 klur ha ryngkat bad ki UC. Ka mut ba ka jingkynshew haba phai sha ki jingshna surok lyngba ka PMGSY ka palat ia ka T. 2500 klur” ong u Bah Prestone Tynsong, Symbud Myntri Rangbah ba khmih ia ka Tnad PWD (Roads) haba iakren bad ki nongthoh khubor hynne ka sngi Balang.
Haba kylli, u Bah Prestone ula ong ba ka Sorkar kam pat pyllait satia ia ka pisa ban pyntreikam ia ka Phasi-III jong kane ka skhim.
“Hynrei, ka Sorkar India, kala ai ha ngi ia ka thong ba ngi dei ban dep shna surok haduh 1250 Km. Kane ka dei ka thong kaba ngi hap ban pyndep mynta” ula bynrap.
