Shillong, Nailar 05 : Ka Rationalisation Committee kala dep pynbeit ia ka jingpynkiew tulop bad ka jingpynbeit ryntih ia ka tulop kat kum ki kam ba trei jong ki nongtrei ka Samagra Shihska (Non Academic) ha Jylla hynrei ka All Meghalaya SSA Non Teaching Staff Association (AMSSANTSA) kala dawa ban ai ia ka jingkular da ka jingthoh hashuwa ba kin khot pynkut noh ia ka jingiashong kyllain mungor.
Hadien ba pyniaid ia ka jingialang bad ki Nongialam ka AMSSANTSA hynne ka sngi Nyngkong, u Commissioner & Secretary ka Tnad Education Vijay Kumar Mantri, uba khlieh ia ka Rationalisation Committee ula ong “Ngi la dep pynbeit ia ka jingpynheh tulop bad jingpynbeit ryntih ia ka jingsiew ha ki kyrdan bapher bapher. Ia ki mat jong ka jingiakren yn sa pynmih lashai ka sngi”.
“Ki dkhot ka Committee kila ai ia ki jingkynthoh halor ka jingtyrwa pynkiew tulop ia kaba la buh jingthoh ban shong pyrkhat. Ki (AMSSANTSA) la pyntip ba kin sa shim rai halor ka jingweng noh ia ki jingiakhih halor ka rai ba khatduh jong ka Sorkar ka ban sa shim lashai ka sngi ne la shisngi kaba slem duh” ula ong.
Ia kane ka jingialang la khot hadien ba ka AMSSANTSA kala rai ban bteng beit ia ka jingiashong kyllain mungor ba khlem pud halor ka jingdawa ban pynkiew ia ka tulop da 80%.
Haba kylli, u Mantri ula ong “Ngi dang pynbeit ryntih ia ka jingsiew tulop. Ngi dang khein jingkhein halor ka nongrim ban pynduna ia ka jingiapher ka jingsiew hapdeng kaba hehduh bad kaba rit duh bad ka tulop ba kham bun ia kiba la shakri kham slem. Ia ki jingkhein yn sa pyllait hadien bala ai jingmynjur ka Sorkar”.
Haba iakren bad ki nongthoh khubor, ka President ka AMSSANTSA Jennyfer Synrem kala ong ba kala jingiakren kala kham biang ha ka jingialang ba long hynne ka sngi.
“Hynrei, ngi kwah da ka jingthoh bad namar kane ngim pat pynbna satia ban pynkut noh ia ka jingiakhih jong ngi. Ngin nang iai bteng ia ka jingiakhih ha ka lynti ba jai jai. Ai ba ngin ioh shuwa da ka jingthoh na ka Sorkar, kaba kila kular hapoh kane ka taiew bad hadien kane, ngin sa weng noh ia ka jingiakhih jong ngi” kala ong.
Haba kylli, ka President jong kane ka seng kala kubur ba ka jingdawa ban pynheh ia ka tulop da 80% ka dei ka bym shong hok satia.
“Lada ngi iaid da 80%, katto katne na ngi ngin ioh T.80,000 bad katto katne kin ioh tang T.8000, ka bym iahap satia” kala ong bad bynrap “Ngi la iakhun na ka bynta ka jingbha jong baroh, kumta ngi la hap pyrkhat ia iwei pa iwei I dkhot jong ka Association”.
Hynrei kala ong ba ka seng kam pdiang satia ia ka rai jong ka Sorkar ban pynkiew ia ka tulop jong ki Non-Teaching Staff da 25%.
 ha Jylla hynrei ka All Meghalaya SSA Non Teaching Staff Association (AMSSANTSA) kala dawa ban ai ia ka jingkular da ka jingthoh hashuwa ba kin khot pynkut noh ia ka jingiashong kyllain mungor.){kind=link}