Shillong, Jymmang 30 : Sa ka Kynhun ki Muslim na ki jaka them ka Ri-lum Garo kaba la ai kyrteng Anti-Corruption Leaque (ALC) hynne ka sngi Ba-ar kila dawa ia ka Sorkar Jylla ban ithuh noh ia ki Desi Muslim jong ka Ri-them Garo ha ka kyrdan Other Backward Class (OBC) bad ban aibhah ba 4% sha ki ha ka State Job Reservation Policy.
Ha ka shithi bala phah sha u Myntri Rangbah ka Jylla Conrad K Sangma, u General Secretary ka ACL Mostapha Kabir ula ong “Ngi kyrpad jur ba phin pynurlong noh ia ki jingkular jong ki Nongiakhun Jylla Meghalaya ban ai lem ia ngi iakajuh ka lad ban ioh ia ka bhah ha ka pule ka dangle bad ka kam Sorkar”.
“Ka Sorkar Assam bad ka West Bengal kila ai ka jingithuh ia ki Desi Muslim namar ki dei kiba hap hapoh ka OBS, namar kata, ngi kyrpad ia phi ban ithuh lem ia ki Desi Muslim ka Ri-them Garo kum ki OBC bad buh ia ka bhah ba 4% ia ngi ha ka Meghalaya Reservation Policy” ula bynrap.
U Kabir ula ong ba ka Reservation Policy ba mynta ka Meghalaya kaba buh bhah ba palat ia ka 85% ka dei kaba pynkhein pyllein pyllein ia ka hukum ka Iingkashari Supreme Court bad ka nongrim jong ka Riti Synshar ka Ri.
Ha kajuh ka por, kiwei pat ki paid riewlum ka Jylla kiba don hapoh ka lama jong ka Meghalaya Indigeneous Minority Tribes Forum, ba kynthup ia ki Rabha, Boro, Hajong Koch, bad Mann, kila dawa ia ka Sorkar Jylla ban pynrung dkhot lem ia ki hapoh ka Committee kaba iakren halor ka Roster System bad ka Reservation Policy.
