Shillong, Nailur 23: Ka Synjuk Ki Waheh Shnong War Jaintia ha ka 22 tarik u Nailur, ka la leit aiti iaka dorkhas ha u Symbud Myntri Rangbah ka jylla u Bah Prestone Tynsong ban pynsangeh shwa iaka jingthmu ka MeECL ban pyniar iaka Distribution Franchisee ne aiwai sha ki riew shimet ia ka kam sam bording.
U President ka Synjuk Bah Daniel Khongsit ula ong, ka MeECL (Distribution) kala phah ia ka shithi halor kane ka kam bad pynpaw ruh ban pyniar ia ka jingaiwai sha ki 8 tylli ki Block/Sub Division ba kynthup ia ka Amlarem.
“Ka Synjuk kala shong pyrkhat halor kane ka shithi bad la rai ba kim pat lah ban pdiang iaka rai jong ka MeECL” ong ka dorkhas.
Ula ong, ki paid nongshong kim pat lah ban sngewthuh ia kane bad ki donkam shwa ban ioh iaka jingpynshai na ka MeECL.
U Bah Khongsit ula pyntip ba ha ka dorkhas kaba la aiti ha u Bah Prestone Tynsong kila kyrpad ban pynsangeh shwa iakane ka jingthmu ban pyniar iaki Distribution Franchisee khnang ba kan ym don kano kano ka jingklumar jong ki paidbah.
