Shillong, Naitung 11 : Ki kynhun Seng bapher bapher ka Ri-lum Garo kila dawa ba dei ban khangdam noh ia ka New Life Foundation Rehab Centre ha Goalpara hadien ka jingshah pyniap jong u Niksamseng Ch Marak, u samla Garo na Tura, West Garo Hills myn ha ka 4 tarik Naitung.
Ka Garo Students’ Union (GSU), Goalpara Unit, Garo Jatiya Parishad (GJP), Garo National Union, bad GNC kila iasnohkti lang ban dawa khangdam noh ia kane ka rehabilitation centre.
Ha ka shithi bala iasoi lang kaba la phah sha u Deputy Commissioner ka Goalpara District, kine ki kynhun kila dawa ruh ba kane ka Rehab Centre ka dei ban siew ia ka bailutksan ia ki bahaiing hasem jong une u samla.
“Une u samla ula ieh shadien ia I khun ba dang 4 snem bad ka kurim bad u dei u nongkamai jakpoh jong ka Iing. Kumta, ngi kyrpad ban phah siew bai lutksan sha ki bahaiing hasem jong u” ong ka shithi bala phah sha u DC.
Lah ban kdew ba haduh 8 ngut ki briew kila shah kem ha ki Pulit ka Assamhalor ka jingsuba donkti ban pyniap ia u Niksamseng. Hynrei, u trai ka New Life De-Addiction Centre Rakibul Hussain lem bad uwei u nongpang, ki dang phet rieh haduh mynta.
U Niksamseng ula shah pyniap tohmet bha ha ki briew ba don ha kane ka Rehab Centre myn ha ka 4 tarik Naitung. Ula shah set ha kane ka centre naduh ka 2 tarik Naitung hadien ka jingkem ki Pulit ka Assam.
Ha ka sngi ba-ar, u Myntri Rangbah ka Jylla Conrad K Sangma ula phah tuklar ha u Myntri Rangbah ka Assam Himanta Biswa Sarma ba un thung ia ka jingtohkit ka bym shah liang halor kane ka jingkynnoh pyniap ia une u samla Garo.
, Goalpara Unit, Garo Jatiya Parishad (GJP), Garo National Union, bad GNC kila iasnohkti lang ban dawa khangdam noh ia kane ka rehabilitation centre.){kind=link}