Shillong, Nailar 09: Ka Liang Pyrshah Voice of the People Party (VPP) ha ka sngi palei ka la dawa na ka Meghalaya Public Service Commission (MPSC) ban pynbeit ia ki jingbakla bad ban pynsangeh noh shuwa ia ka personal interview jong ka Meghalaya Police eservice (MPS).
Ha ka shithi sha u Chairman ka MPSC, u Joint Secretary ka VPP bah Shemborlang Rynjah u la ong, “Ka party ka dawa jur ban pynbeit ia ki jingbakla bad ban pynsangeh noh shuwa ia ka personal interview katbym pat dep ban pynbeit.”
Haba pynpaw ïa ka jingsngewkhia halor ka jingjied ïa ki kyrtong na ka bynta ka personal interview sha ka kam MPS, u bah Rynjah u la ong, “Ka party hadien ba ka la bishar bniah bha ka la lap ïa ki jingbakla kiba jur bha halor kane ka kam.”
U la ong ruh ba katkum ka jingpynbna ba la pynbna ha ka 2 tarik Nailar 2019, ka rukom jied vide Para 8 clause V (c) ka batai ba ka cut-off ratio jong ki kyrtong ban shah khot sha ka personal interview kan long ryngkat bad ka jingpher naduh 1:10 haduh 1:10. 1:2.5 katkum ka jingbun ki kam kiba lait.
“Wat lada shim ïa ka ratio ba rit eh kaba long 1:2.5, ka jingdon jong ki kyrtong na ka bynta ka personal interview ka la dei ban long 42 ngut lane 43 ngut na ka bynta 17 tylli ki kam.
Hynrei ka jingdon jong ki kyrtong ba la jied na ka bynta ka interview ka long tang 27 ngut katkum ka result ba la pynbna da ka commission ha ka 25 tarik Jylliew, 2024,” u la ong.
“Ka jingleh jong ka Commission ban pynduna ïa ki kyrtong ba khot sha ka personal interview ka long kaba pynmih dak jingkylli, namar ba ym shym la don kano kano ka jingpynbna paidbah kaba la pynbna na ka Commission ban pynduna ïa ka jingdon ki kyrtong kat kum ka jingpynbna laitkam MPS . ,” u la ong haba bynrap ruh ba haba peit ïa kiei kiei kiba la kdew haneng, kum kane ka jingleh jong ka Commission ka la wanrah shibun ka jingartatien bad ka jingduh jingkyrmen halor ka rukom jied ïa ki kyrtong. Nalor kata, ka jinglong hok bad jinglong kyntang jong ka Commission ka long kaba pynartatien, u la ong.
 ha ka sngi palei ka la dawa na ka Meghalaya Public Service Commission (MPSC) ban pynbeit ia ki jingbakla bad ban pynsangeh noh shuwa ia ka personal interview jong ka Meghalaya Police eservice (MPS).){kind=link}