Shillong, Jymmang 08: Ka seng saiñ pyrthei kaba don ha ka Liang Pyrshah ka Voice of the People Party (VPP), ha ka sngi Balang kala dawa ia ka sorkar jylla ba kan thung ia ka heh ophisar IPS Kong I Nongrang kum ka DGP ba thymmai ka Meghalaya.
“Kadei ka ophisar kaba la bna bha ha ka jingtbit, kaba trei met bad mysniem bad kaba lah ban trei bha ia ka kam. Kan ym long tang ka jingsngewsarong ia ki paidbah ka jylla ban ioh ia ka khlieh jong ki pulit kaba dei ka riewlum jong ka jylla hynrei kan wanrah ia ka jingiadei hapdeng ki pulit bad ki paidbah namar ka jingshemphang iaka jinglong jingman ha ka jylla” la pynpaw u Nongaiktien ka VPP u Bah Batskhem Myrboh ha ka kyrwoh khubor.
“Kan long kaei kaei kaban ym shonghok ia ka jylla lada ka sorkar jylla kam thung ia ka kum ka DGP bathymmai jong ka jylla” ula ong bad ka pyntip ba ka seng kan sa ai da ka jingthoh lashai ka sngi sha ka sorkar jylla halor kane kam.
, ha ka sngi Balang kala dawa ia ka sorkar jylla ba kan thung ia ka heh ophisar IPS Kong I Nongrang kum ka DGP ba thymmai ka Meghalaya.){kind=link}