Shillong, Jymmang 25 : Ka Voice of the People Party (VPP) hynne ka sngi Palei, kala dawa ia ka Sorkar Jylla ba kan nym pynlip bording elektrik satia ha ka 26 bad 27 tarik Jymmang namar ka jingpynbna result SSLC bad HSSLC ka MBoSE bad ka jingthep klas jong ki samla pule ha ki skul bad college.
“Ki samla pule ki dei ia kaban lait na ka jingshah ktah ha kum kane ka por ba ki donkam ia ka bording ba khlem thut ban ioh shon ia I marksheet bad pyndep ia ki application ban ioh rung klas” ong u Nongaiktien ka VPP Dr Batskhem Myrboh ha ka kyrwoh.
