Shillong, Naiwieng 10 : Ka Synjuk ki Nongsynshar Shnong ka Bri U Hynniewtrep (SNBSH) ha ka sngi U Blei kala dawa ia u Vice Chancellor jong ka North Eastern Hill University (NEHU) ban shim ia ka jingbahkhlieh halor ki kynrum kynram baroh bad mynjur ia ka jingdawa jong ki samla pule ba iakhih.
Ka Synjuk kala dawa ruh ia ka Sorkar Jylla ban shim ia ki sienjam kiba donkam ym ban shu ieh ia ka University ba kan iaid hala ka jong ka lynti.
Ha ka kyrwoh, u General Secretary ka Synjuk Bah RL Blah ula ong “…..ngi dawa ia u Vice Chancelllor ban shim ia ka jingbah khlieh ia ki kynrum kynram ba mih ha NEHU bad ban mynjur ia ki jingdawa. U VC u lah ban don ia ka jingmut kaba bha duh ha ka pyrthei hynrei ula slem palat”.
“Kum ki nongialam jong ki shnong ki thaw, ngi pynpaw ia ka jingsngewkhia haba iohi ia ka rukom treikam jong ka University bad kyrmen ba ki nongialam ki dei ban pdiang ia ka jingbym lerkar bad ban sngao. Ngim kwah ban iohi ba ki samla kiba leit pule ia ki higher education kin mad ia ki jingeh bad sngew kutlad haba tip ba ka jingiakhun ban ioh kam ka dei kaba eh bha kaba ki hap ban mad ha ki snem ban wan” ula ong.
“Ngi kyrpad ia ka Sorkar Jylla ban shim ia ka sienjam kiba donkam bad ban nym ieh ia ka University ba kan iaid hala ka jong ka lynti. Nhi kyntu ruh ia u Lat ka Jylla ban shimkhia ia ka jinglong jingman bad ban pyntip ia ki bor ba dei khmih jong ka Sorkar Pdeng ban lah pynbeit noh kham kloi ia ka kam” ula bynrap.
 ha ka sngi U Blei kala dawa ia u Vice Chancellor jong ka North Eastern Hill University (NEHU) ban shim ia ka jingbahkhlieh halor ki kynrum kynram baroh bad mynjur ia ka jingdawa jong ki samla pule ba iakhih.){kind=link}