Nongpoh, Nailar 03 : Ka Ri-Bhoi Youth Federation (RBYF)-Umsning Circle, kala dawa ia ka Sorkar Jylla bad ia ka Tnad ka Koit ka Khiah ka Jylla ba kan shimkhia ha kaban pynbeit ia ka jingshakri jong ka Umsning Community Health Centre (CHC) bad ban leh eiei ruh halor ki jingduna kiba don ha kane ka jaka sumar.
U Publicity Secretary ka RBYF-Umsning Bah Henry Marngar ula ong ba ka Seng kala ioh pdiang ia shibun ki jingujor na ki paidbah halor ka jingbym biang ka rukom ai jingsumar ha kane ka jaka sumar ka Sorkar bad ka jingbym biang ki tiar ki tar.
Ula iathuh ba wat ka seng kala lap ba ki don ki khep ba ym don doktor ne nos hapoh ka kamra Emergency, kaba la buh ia ka jingeh ia ki paidbah khamtam ia kito kiba donkam ban ioh ia ka jingsumar ba kyrkieh.
Ula ong, ka Seng ka dawa ia ki bor khmih ba kin phaikhmat ha kaban pynbiang ia ki doktor bad ki nos ha kane ka jaka sumar kaba dei kawei na ki jaka sumar kaba ki briew ka thain Umsning, ki ju leit leit wad jingiarap haba pang ba shitom.
Pule ruh: Shah pyniap dusmon ka Kynthei ha khappud ka Assam-Meghalaya
-Umsning Circle, kala dawa ia ka Sorkar Jylla bad ia ka Tnad ka Koit ka Khiah ka Jylla ba kan shimkhia ha kaban pynbeit ia ka jingshakri jong ka Umsning Community Health Centre (CHC) bad ban leh eiei ruh halor ki jingduna kiba don ha kane ka jaka sumar.){kind=link}