Shillong Nohprah 30: Ki sengbhalang jong ki samla ka thain shatei lammihngi hapoh ka lama jong ka North East Students’ Organisation (NESO), kila dawa ba dei ban pynshitom da kaba rai pyniap ia ki runar kiba la donkti ha kaban pyniap beiñ ia u Angel Chakma, u samla pule uba la don 24 snem ka rta uba na ka jylla Tripura.
Ha ka dorkhas kaba la phah da u Chairman ka NESO u Bah Samuel Jyrwa sha u Myntri Rangbah ka Uttarakhand Pushkar Singh Dhami hynne ka sngi Baar, ka NESO kala pynrem jur ia katei ka jingthombor pyrshah ia ki briew kiba na ka thain shatei lammihngi.
U Nongialam ka NESO ula pynkynmaw ia u Myntri Rangbah ba katei ka rukom pynshitom bad thombor kadei kaba buh ha ka jingma ia ki samla pule bad ia kiba sah, kiba na kylleng ka thain jong ka ri India.
“Ngi dawa ba dei ban pynshitom da kaba rai pyniap ia ki runar kiba la donkti ha katei ka kam runar bad dei ruh ban leh kloi bad khamtam ban thaw noh ia ka Police Station kaba kyrpang kaban shim kam ia ki jingjia kiba iadei bad ka jingsngewpher jaidbynriew bad ki kam thombor ia ki paitbah ka thain shatei lammihngi” la ong ka NESO ha ka dorkhas.
Kala dawa ruh ba dei ban pyntreikam mardor ia ka Anti Racism Act ban shimkhia ia ki jingjia jong ka jingleh ia ki kam runar na ka jingsngewpher jaidbynriew.
Kum ban shu pynkynmaw u Angel Chakma ula shah thombor ha Dehradun ha ka 9 tarik u Nohprah bad namar ka jingban jur jong ka jingmynsaw ula khlad noh ha ka 29 tarik u Nohprah hadpeng ka jingshah sumar hapoh Hospital.
U Michael Chakma uba long u para jongu Angel Chakma ruh ula mynsaw lang ha katei ka jingshah thombor ha ki runar.
, kila dawa ba dei ban pynshitom da kaba rai pyniap ia ki runar kiba la donkti ha kaban pyniap beiñ ia u Angel Chakma, u samla pule uba la don 24 snem ka rta uba na ka jylla Tripura.){kind=link}