Shillong, Iaiong 26 : Ka NEEPCO Tribal Employees’ Welfare Association (NTEWA) ryngkat bad ka NEEPCO Women Welfare Association (NWWA), kila dawa ban thwet bad leh tyngeh ia ki briew kiba donkti ban kawang petrol bomb ia ka kali escort ba synran ia u Heh Ophisar jong ka Corporation.
Ha ka kyrwoh, u General Secretary ka NTEWA Bobby Vinton Kharlyngdoh bad General Secretary ka NWWA Nikita Bareh, kila ong “Ngi khuslai halor ka jingjia ba sngewsih kaba kynthup ia u Maj Gen RK Jha, AVSM (Retd), u Director (Personnel) jong ngi, kaba la jia ha ka 25 tarik Iaiong ha Demthring, Shillong”.
“Ngi pynrem jur ia kane ka jingiabad kyrpad ia ki bor Sorkar ba ki dei ban leh eiei mardor halor kane ka kam bad ban kem ia ki briew kiba donkti” kila ong.
Ki riew runar kila kawang petrol bomb ia ka kali escort ba synran ia une u Heh ka NEEPCO ha ka miet sngi Balang katba u dang leit phai shala iing ha Laitkor.
Kane ka jingjia kala jia ha ka por 7:25 baje ha Demthring Block-2, kaba hap hapoh ka Madanrting Police Station.
, u Director (Personnel) jong ngi, kaba la jia ha ka 25 tarik Iaiong ha Demthring, Shillong”.){kind=link}