Shillong, Jylliew 14: Ka Meghalaya Koch Students’ Union (MKSU) ka la dawa ban tohkit kaba bniah bad kaba khlem shah liang halor ka jingiap jong ki arngut ki samla Hajong, da kaba ong ba ka jingjia kala pynmih ia ka jingsngewkhia kaba jur jong ki paidbah bad ba ka jingshisha kadei ban ialam lynti haba tohkit yn da ka jingmutdur.
Ha ka kyrwoh ka MKSU ka la ong ba ka don hapdeng ka jingkyndit, ka jingsngewsih, bad ka jingsngewkhia hadien ba lap ïa ka metïap jong ka kong Prinomi Hajong (22 snem) na Balat bad ka Simanta Hajong (21 snem) na Ranikor ha ka step jong ka 14 tarik Jylliew na Lumsohphoh, Nongthymmai.
Ka Union ka la phah ka jingsngewlem sha ki longïing bad ka la ong ba ka ieng ha ka jingïatylli kaba pura bad ka jaidbynriew Hajong ha kane ka por ba sngewsih.
Ka la ban jur ba ka jinglong jong ka jingjia ka dawa na ki bor ba dei khmih ban iaid lait ia ka rukom treikam haba tohkit.
“Da kaba pyrkhat ïa ka jingjia kaba sngewkhia, ka MKSU ka ngeit ba kane ka kam ka dei hok ban ïoh ïa ka jingtohkit kaba bniah, kaba shai, bad kaba khlem liang ban lap iaka jingshisha baroh” la ong ka khubor.
Ka la kyntu ia baroh ki bor ba dei peit ban pynthikna ba ia ka jingtohkit, ka jingpeit bniah iaka Post Mortem da ka rukom kaba tbit bad lait na kano kano ka jingpynbor na shabar.
“Ka jingshaniah jong ki paidbah ha ka tnat bishar ka shong ha ka rukom treikam kaba hok bad kaba lah ban ngeit kaba buh ïa ka jingshisha halor ka jingmutdur,” la ong ka Union bad bynrap ba baroh ki jinglap dei ban pynïaid bad pyntip da kaba shai katkum ki kyndon aiñ.
Ka MKSU ka la pynbor ruh ia ka Sorkar ba kan leh da kaba tyngeh lada ka jingtohkit ka kdew ia ka jingleh bymman, da kaba dawa ba dei ban leh da kaba tyngeh katkum ka ain pyrshah ia kino kino kiba lap ba ki donkti.
Nalor kane ka Case, ka MKSU ka kyrpad ïa ka Sorkar bad ki bor jong ka ain ban pynkhlaiñ ïa ki lad jingïada na ka bynta ki trai ri trai muluk, ki jaidbynriew rit paid, bad ki jaitbynriew ba shah iehnoh beiñ ha kylleng ka Meghalaya.
Da kaba pynpaw biang ïa ka jingkyrshan ïa ki longïing kiba la duh noh iala ki baieid, ka MKSU ka kyrpad ïa ka jingsuk bad jingïatylli hapdeng ki jaidbynriew.
“Ym dei ban iehnoh ia kano kano ka longiing khlem ka jubab. Ym dei ban shah kyntait ia ka hok jong kano kano ka jaitbynriew” kala ong.
 ka la dawa ban tohkit kaba bniah bad kaba khlem shah liang halor ka jingiap jong ki arngut ki samla Hajong, da kaba ong ba ka jingjia kala pynmih ia ka jingsngewkhia kaba jur jong ki paidbah bad ba ka jingshisha kadei ban ialam lynti haba tohkit yn da ka jingmutdur.){kind=link}