Shillong, Nohprah 08: Ka Khasi Student Union (KSU) Education Cell hynne ka sngi Thohdieng kala dawa ia ka Sorkar Jylla ba kan pyllait noh ia ka Scholarship jong ki samla puke bad ban leh eiei halor ka kynrum kynram kaba mih na ka jinpynlong ia ka eksamin Meghalaya Teachers Eligible Test (MTET).
Ka KSU hapoh ka jingialam jong u Samla Shelkitbok Kharbani Assistant Education Secretary KSU CEC, kala buh ia kane ka jingdawa hakhmat u Myntri ka tnat pule puthi u Rakkam A Sangma ha ka jingiakynduh ia u hapoh ka Iingsah ban buddien halor ka jingslem ban pyllait iaka bai bam (Scholarship) ki samla pule.
Haba iakren bad ki nongthoh khubor, ki Nongialam ka KSU ki iathuh ba halor ka Scholarship, u Myntri ka tnat pule puthi ula pyntip ba ka jingslem ban pyllait ia ka Scholarship ka dei namar ka daw ba ka Sorkar Pdeng kam pat pyllait iaka bhah tyngka haduh mynta.
La iathuh ba u Myntri ula pyntip ba ka Sorkar Jylla kala sdang ban pyllait ia ka scholarship naduh ka 7 tarik Nohprah da kaba pynlut shuwa naka pla tyngka katba ka don haba iathuh ba haki taiew ban wan, ka Sorkar Pdeng ruh kan sa pyllait noh iaka bhah tyngka khnang ba baroh ki samla pule kin ioh lut noh iaka Scholarship.
Ka seng ka la kyntu ruh ia ka tnat ba nangne shakhmat kum kine ki jingpynslem ia ka Scholarship kam dei shuh ban dang iai jia ha ki snem ki ban wan.
Haba iadei bad ka kynrum kynram haka eksamin MTETkaba la long ha ka 1 tarik u Nohprah 2023 , u Myntri ula pynpaw ba ki jubab ba ki thoh kiba dei hi kin dei beit kumba ki long bad iaka Answer Key ba mih bakla bad ba pynklumar kan ym ktah iaki.
Ka seng kala pyntip ba u Myntri ula lyntu ia ki nongthoh eksamin (Candidates) ba lada ki don ka jingbym hun ia ka result ki lah ban ujor ban phah bishar biang iaka jubab (answer script) jong ki bad lada kim pat hun ia kane ruh ki lah ban thoh da ka application sha ka ophis ka DERT ba kan pynbeit bad ban ai jingpynshai.
Ka seng ka la pynpaw ba ka kynrum kynram ha kaba ïadei bad ka MTET exam kam dei shuh ka sien ba nyngkong bad kala kyntu ia u Myntri un pynthikna ba nangne shakhmat kum kine ki kynrum kynram kim dei ban mih shuh khnang ba kan nym buh jingartatien ne sah umdum ïa ki ba ïakhun iaka eksamin.
U Myntri ula kular ha khmat ka seng ba ka Sorkar kan sa peit bniah bad kan sa shim ia ka rai kaba biang khnang ba kan long ka ban pynhun ïa baroh bad ba kan iaid beit iaid ryntih noh nangne shakhmat.
 Education Cell hynne ka sngi Thohdieng kala dawa ia ka Sorkar Jylla ba kan pyllait noh ia ka Scholarship jong ki samla puke bad ban leh eiei halor ka kynrum kynram kaba mih na ka jinpynlong ia ka eksamin Meghalaya Teachers Eligible Test (MTET).){kind=link}