Shillong, Naitung 26: Ka Khasi Student Union (KSU) Shillong Mihingi Circle hynne ka sngi Balang, kala dawa na u Myntri ka tnat bording A. T Mondal, ban thung Line Man khambun ha New Shillong Township kiban peit haba iadei bad ka jingduh bording khah khah.
Haba kren sha ki lad pathai khubor u Legal Member ka KSU samla Hamar Wanshong ula iathuh ba ka jingshah ot bording hapoh ka thain New Shillong Township ka long sha ba palat bad teng teng ka thain kam ju ioh bording haduh 24-48 kynta bad kane kala kthah bha iaki paidbah naduh ki samla pule, bad ia baroh ki briew ba kin pyntyllun iaki kam ki jam.
U samla Hamar ula iathuh ba haduh mynta ka thain New Shillong Township ka don tang uwei u Line Man u ba treikam na NEIGRIHMS bad u khmih iaki bun tylli ki shnong ba kynthup ka shnong Lumkhyriem, Mawpat, Itshyrwat, Saisiej, Mawlong, Mawkynring, Mawkasiang, Diengiong, Siejiong, Tynring, Mawpdang, Diengpasoh, Mynriang bad kiwei kiwei de.
“Kane ka jingdon tang uwei u Line Man ka buh jingeh iaka thain bad dei namar kane ki longing kim da ioh thikna ka bording kumba 24-48 kynta. Namar kane ngi la dawa na u Myntri ban thung khambun ki Line Man bad ban buh khambun ki Stations bad Sub-Station ban khmih haba iadei bad ka jingpynbiang bording hapoh ka thain New Shillong Township” la ong u samla Hamar.
U samla Hamar ula iathuh na naka liang ki paidbah ka thain kim ju pep ban siew iaka bai thang bording hynrei kane ka jingshah ot bording kaba poi shaduh ka 48 kynta ka pynsngewdiaw iaki paidbah nongshongshnong bad iaka seng haba iadei bad ka jingtreikak ka tnat MEECL.
Haba kylli u samla Hamar ula iathuh ba u Myntri ka tnat bording ula kular haka seng ban shimkhia ia kane bad un sa iakren bad ki ophisar ka tnat MeECL ban pynthikna ba ka thain New Shillong Township kan ioh bording khlem ka jingthut naduh mynta ka sngi.
Pule ruh: Jingkulmar ha Tura: La shah kem u Salseng R. Marak, uba kynshoit ia ki paidbah ban pynhuri hura
 Shillong Mihingi Circle hynne ka sngi Balang, kala dawa na u Myntri ka tnat bording A. T Mondal, ban thung Line Man khambun ha New Shillong Township kiban peit haba iadei bad ka jingduh bording khah khah.){kind=link}