Shillong, Naitung 01 : Ka Khasi Students’ Union (KSU) kala iai ban ia ka jingdawa ban pyntreikam noh mardor ia ka Inner Line Permit (ILP) ha Meghalaya, ka jingdawa kaba la sahteng naduh u snem 1987.
Kat kum ka jingong u General Secretary ka KSU Samla Donald V Thabah, ka seng kala iai phah ia ki dorkhas sha ka Ministry of Home Affairs, hynrei la i kumba ka jingdawa ka poi sha ki skhor kiba kyllut.
U samla Donald ula ong ba katba ka Sorkar Pdeng ka dang kam ba ka dang shong bishar iaka kam, ka KSU ka dang ap ban pyntreikam noh ia ka ILP.
Ula ban jur iaka jingkongsan ban pyntreikam ia ka Meghalaya Regulation of Scheduled Tribes (MRSSA) Act, kaba la mynjur ha u snem 2016 hynrei ka ban dang pyntreikam pura.
Ka KSU ka sngew b aka MRSSA ka long kongsan bha ban iada ia ki trai ri trai muluk ka Jylla, bad ka jingpyntreikam ia ka kan nang kham biang shuh shuh da ka jingpyntreikam sa ka ILP.
U samla Donald ula pynpaw ia ka jingsngewkhia halor ka jingwanrah ia ka lynti rel hapoh ka Jylla khlem ki lad jingiada ki ban ai jingiada ia ki paid riewlum trai jylla ban kylla long ki ritt paid hala ka jongka Bri.
Ula sot nuksa ia ka Nagaland, kaba la pyntreikam ia ka ILP, bad ai jingmut ba kum kine ki lynti treikam ki lah ban treikam lang ia ki briew kiba wan rung sha Meghalaya bad kiba leit sha kiwei pat ki jaka ha India.
Ka KSU kan iia bteng ban tynruh ha kaban pyntreikam ia ka ILP bad MRSSA, haba ban jur ia ka jingdonkam ban iada ia ka hok bad ka bha ka miat ki paid riewlum trai Jylla ka Meghalaya, ong u samla Donald.
 kala iai ban ia ka jingdawa ban pyntreikam noh mardor ia ka Inner Line Permit (ILP) ha Meghalaya, ka jingdawa kaba la sahteng naduh u snem 1987.){kind=link}