Shillong Naitung 21: Ka Jaintia Students Union (JSU) hynne ka sngi Thohdieng kala dawa na ka Sorkar Jylla ba dei ban buh wanrah ia ka Summer Capital ha rilum Jaintia kumba la dawa da ka kynhun ACHIK ban buh iaka Winter Capital ha ka nongbah Tura.
“Ngi ngeit skhem ba ka rilum Jaintia ka dei hok ban dei kum ka Nongbah jong ka jylla namar ba kala pynmih bun iaka khajna na ka bynta ka jylla lyngba ki marpoh khyndew kum u dewiong, mawshun, ki karkhana pynmih dewbilat hynrei kam shim la kiew pat ha ka roi ka par haba ianujor bad kiwei pat ki jaka” pynpaw ka seng JSU ha ka kyrwoh khubor.
Ka JSU kala banjur ba ka sorkar jylla kadei ban buh ia ka Summer Capital ha ka rilum Jaintia, kumba la dawa da ka kynhun ACHIK ban buh iaka Winter Capital ha ka nongbah Tura.
Ka seng Hynniewtrep Youth Council-West Khasi Hills hynnin ka sngi kala dawa ia ka Sorkar Jylla ban pynlong ia ka West Khasi Hills kum ka Nongbah Synrai jong ka Jylla.
U Samla Wantei Lyngdoh, General Secretary ka HYC ula ong ba kane ka jingdawa ka dei kaba shong nongrim namar ka District kala kynjoh ia ka 46 snem bad ka dei ruh ka District ba hehduh hapoh ka Jylla. Ka HYC kala pynpaw ruh baka District kala pynmih ia shibun ki Nongialam kiba lamkhmat ha ka jingiakhun ban ioh iala ka jong ka Jylla.
Haba ban jur ia ka jingkongsan ka “Nongbah Synrai”, ka HYC kala ong ba kane kan iarap ba ka roi ka par kan poi sa man la ki kyndong kynshrot jong ka Jylla.
Pule ruh:Â Pynbna u CM ban thung noh da ki Police Commissioner ha Shillong ban pynneh ia ka jingshongsuk
 hynne ka sngi Thohdieng kala dawa na ka Sorkar Jylla ba dei ban buh wanrah ia ka Summer Capital ha rilum Jaintia kumba la dawa da ka kynhun ACHIK ban buh iaka Winter Capital ha ka nongbah Tura.){kind=link}