Shillong, Jymmang 13: Ka Jaintia Students’ Union (JSU) ka la dawa ba dei ban pynbna ia ka sor Jowai kum ka Summer Capital jong ka Jylla Meghalaya, da kaba ban jur ba dei ban ai mar katjuh ka jingithuh ia baroh lai tylli ki jaidbynriew riewlum ka Jylla kata ki Jaintia, ki Khasi, bad ki Garo.
Kane ka jingdawa ka wan namar ka jingïalap ha kylleng ban ithuh iaka sor Tura kum ka Winter Capital jong ka Jylla.
Ka JSU kala ban jur ba lada iaka Tura ka ba dei ka sor ba kongsan jong ka Rilum Garo, yn ai Winter Capital, ka sor Jowai ruh kaba dei ka sor ba kongsan jong ka Rilum Jaintia bad kumta dei ban ioh ia kajuh ka jingithuh markylliang.
U General Secretary ka JSU samla Neilkee Mukhim haka kyrwoh, u la kdew ba ka ri-lum Jaiñtia ka dang ïai bteng ban mad ïa ki jingeh kiba jur bha ha ka liang ka roi ka par bad ki kiwei ki jingtei kam pynroi.
U la ong ba lada ka Jowai ka ioh kyrdang kum ka Summer Capital jong ka Jylla, kan pynlong iaka thaiñ ban kiew ym tang ha ki kam pynroi hynrei kan ai ruh ka jingithuh ban mihkhmat ha ka sain pyrthei bad ka synshar khadar ia ka jaitbynriew Jaintia.
Haba maham ban shim ia ka rai kaba noh shiliang, ka JSU ka maham ia ka Sorkar ba ka jingkyntait ia ka ri-lum Jaintia na ki rai kiba kongsan kan wanrah ia ka jingbym sngewhun jong ki paidbah. “Lada don ka jingleh shilliang ne ka jingshah kyntait ka Rilum Jaintia, ka Jaiñtia Students’ Union ha ryngkat bad ki paidbah kin hap ban pynlong ïa ki jingïakhih ban dawa iaka hok”.
 ka la dawa ba dei ban pynbna ia ka sor Jowai kum ka Summer Capital jong ka Jylla Meghalaya, da kaba ban jur ba dei ban ai mar katjuh ka jingithuh ia baroh lai tylli ki jaidbynriew riewlum ka Jylla kata ki Jaintia, ki Khasi, bad ki Garo.){kind=link}