Shillong Nohprah 09: Ka Jaintia Students Union (JSU) kala dawa na ka sorkar jylla ba kadei ban aiti noh mardor sha ka Central Bureau of Investigation (CBI) ba kan tohkit bniah halor ka jingjia ha Mukroh ha kaba 5 ngut ki mynsiem kila shah siatiap ha ki pulit Assam.
Ka seng JSU ha ka kyrwoh khubor, kala pynkynmaw ba ka jaidbynriew kam dei ban klet ia kaei ba lah dep jia ha ka shnong Mukroh ha u snem ba lah dep, ba haduh 5 ngut ki mynsiem ba lui lui ki lah kyllon iap ha ki ktang suloi jongki pulit Assam .
Ka seng ka pynkynmaw ruh ba dei hadien ka jingdawa jongka seng na u Myntri Rangbah ka jylla u Conrad K Sangma ha ka por ba u wan iuhkjat ha Mukroh ha u 2022, ba dei ban buh mardor ia ka ktem pulit (Border Police Out Post) ha Mukroh ban ai jingiada iaki paradoh parasnam kiba shong sha khappud bad ka jylla Assam hynrei kane ka Oupost ruh kam pat biang than namar kadei ba dang shu sop tang da ki tin.
“Ka JSU ka dawa na u Myntri Rangbah ka Jylla ba dei ban pynkloi noh ban aiti ia kane ka jingjia ha Mukroh sha ka CBI ban ai ka jingbishar kaba khuid bad ym dei shuh ban pynslem namar lah jan don ar bnai mynta ba kala shu kut tang ha ka jingkular ban aiti sha ka CBI hynrei ka sorkar ka dang pynsah teng haduh mynta” la pynkut ka kyrwoh ka JSU.
 kala dawa na ka sorkar jylla ba kadei ban aiti noh mardor sha ka Central Bureau of Investigation (CBI) ba kan tohkit bniah halor ka jingjia ha Mukroh ha kaba 5 ngut ki mynsiem kila shah siatiap ha ki pulit Assam.){kind=link}