Shillong, Nohprah 3: Ka Jaintia Student Movement (JSM) kala dawa ia u Deputy Commissioner ka West Jaintia Hills District ba un leh eiei mardor pyrshah ia ka Karbi Students Association (KSA) halor ka jingkynnoh ba kala pyrshang ban pynsangeh ia ka jingshna ia ka surok ha Khatkasla-Psiar kaba hap hapoh ka Laskein C&RD Block.
Ka jingshna ia ka surok kaba T.4 Klur 57 lak, kala sdang ha u Naiwieng hynrei la kynnoh ba ki dkhot ka KSA kila leit jngoh ia katei ka shnong ha ka 1 tarik u Nohprah bad pynbor ia ka Karbi Anglong Autonomous Council (KAAC) ba kan pynsangeh ia katei ka projek.
“Ngi kyntu mardor ba phin tuklar bad ban shim ia ki sienjam kiba tyngeh ban pynthikna ba katei ka jingshna surok kam dei ban shah pynthud ha ka KSA, KAAC ne kino kino ki kynhun ne wat ki pulit jong ka Assam ” ong ka JSM.
Ka seng kala banjur ia ka jingkongsan ban pynneh ia ka shongsuk shongsain bad ban pynthikna ia ka jingiaid beit ka jingpyntreikam ia ki projek jong ka sorkar.”Ka long kaba kongsan bha ban pynneh ia ka shongsuk shongsain bad khamtam eh ha kaban pynthikna ia ka jingiaid beit ki projek ba pyntrei ka sorkar” kala kyntu.
 kala dawa ia u Deputy Commissioner ka West Jaintia Hills District ba un leh eiei mardor pyrshah ia ka Karbi Students Association (KSA) halor ka jingkynnoh ba kala pyrshang ban pynsangeh ia ka jingshna ia ka surok ha Khatkasla-Psiar kaba hap hapoh ka Laskein C&RD Block.){kind=link}