Shillong, Nailar 01 : Ka Hynniewtrep Youth Council (HYC) kala dawa ia ka North Eastern Institute of Ayurveda and Homeopathy (NEIAH) ba kan buh bhah pule noh ia ki samla trai muluk naduh u snem pule 2024.
Ha ka shithi sha ka Director ka NEIAH, u President ka HYC Bah Roykupar Synrem ula ong ba ka NEIAH kala sdang ia ka MD (Hom) Course ha u snem 2023 bad ka seat kaba don ka long 8 tylli ha ki sobjek bapher bapher.
Napdeng kine ki 8 seat, 4 seat la buh ia ka All India Quota bad 4 seat kaba long kylla ia baroh ki samla ka thain Shatei Lam Mihngi, ha kaba 2 seat la bhah ia ki samla pule ba pass ia ka BHMS na NEIAH bad 2 seat la bhah ia ki samla kiba don ia ka PRC ka thain Shatei Lam Mihng.
Hynrei, ym shym la ai bhah kyrpang sha ki samla trai muluk ka Jylla Meghalaya ha kine ki jingpule bala trwa kumba ju leh haba iadei bad ka jingpynrung klas na ka bynta ka BAMS bad BHMS courses.
“Namar kata, ngi dawa ia ka Institute ba kan leh eiei lane shim iaka sienjam ban aibhah ia ki samla pule trai muluk ka Jylla Meghalaya naduh u snem pule 2024” ula ong.
“Ngi kyntu ia phi bad ia ki bor khmih ban sngewthuh ia ka jingshisha baka Institute ka dei kaba don ha ki jaka ki riewlum ka Meghalaya da ka jingthmu ban shakri ia ki paidbah ka thain bad khamtam eh ia ka Jylla Meghalaya. Kumta, dei ban ailad ia ki paid trai muluk ba kin ioh rung klas ban pule ia ki courses ba tyrwa da ka Institute” ula ong.
 kala dawa ia ka North Eastern Institute of Ayurveda and Homeopathy (NEIAH) ba kan buh bhah pule noh ia ki samla trai muluk naduh u snem pule 2024.){kind=link}