Nongpoh, Nailar 01: Ka seng Hynniewtrep National Youth Front (HNYF)-Patharkhmah bad ka Hynniewtrep Youth Council (HYC)-Ri-bhoi Sepngi, hynne ka sngi Palei, kila leit kynduh ia u Manager ka kompani Air Maxx Pvt Ltd kaba don ha Paham Jirang Block, namar ka jingkynnoh behkam khlem nongrim ia laingut ki nongtrei Khasi.
U President ka HYC samla RC Thangkhiew ula iathuh ba kane ka kompani kala shu beh kam ia kine ki nongtrei Khasi halor ka nongrim ba kim lah ban pyniakot bor ban trei haba nujor bad kiwei pat ki nongtrei ka kompani.
“Ngim lah satia ban pdiang ia kane ka nongrim..namar kata ngi la dawa ba ka kompani ka dei ban thungkam biang ia kine ki nongtrei” ula ong.
Une u Nongialam ka HYC ula pyntip ba ula maham ia ka kompani ba lada ka dang beh kam khlem nongrim ia ki nongtrei Khasi, ka seng ka lah ban khang tala syndon ia ka kompani.
U pyntip ba da ka jingleit tuklar ki arseng, kane ka kompani kala thungkam biang ia kine ki nongtrei ba shah beh.
-Patharkhmah bad ka Hynniewtrep Youth Council (HYC)-Ri-bhoi Sepngi, hynne ka sngi Palei, kila leit kynduh ia u Manager ka kompani Air Maxx Pvt Ltd kaba don ha Paham Jirang Block, namar ka jingkynnoh behkam khlem nongrim ia laingut ki nongtrei Khasi.){kind=link}