spot_img

Dawa ka HITO ban leh tyngeh ia ki runar ba leh beijot ia ka Kynthei ha Shillong

Date:

Share post:

Shillong, Iaiong 24 : Ka Hynniewtrep Integrated Territorial Organization (HITO) Students’ Wing haka sngi Balang, kala dawa ban leh da kaba tyngeh pyrshah ia ki riew runar kiba donkti ha ka jingialeh beijot kynhun ia kawei ka kynthei ha Shillong dang shen.

“Ngi daw aba dei ban leh eiei pyrshah ia ki runar ba leh beijot kynhun kiba la pyndih jingdih buaid ia kawei ka kynthei bad sa leh beijot hadien da saw ngut ki samla ia kaba la video jong kane ka jingjia, kala saphriang paidbah ha ki rynsan social media” ong u Chairman ka Students’ Wing Iajanlang Sohtun ha ka shithi sha u Superintendent of Police ka East Khasi Hills.

“Ngi dawa ruh ban leh eiei pyrshah ia ki briew kiba pynsaphriang ia ka video ha ki rynsan social media. Ngi kwah ba ki briew ba donkti kin shah pynngat ha ki kyndon ba tyngeh khnang ba kin ym ioh bah jamin. Ngi dawa ban kem ia ki briew kiba donkti bad pynngat ha ki kyndon ba tyngeh khnang ba kan long ka nuksa ia kiwei pat ki riew runar bad ban tehlakam ia kum kine ki jingjia ba kin iai jia biang” ula ong.

Ha kajuh ka por, ki Pulit kila kem ia 4 ngut ki briew kynthup uwei u khynnah, kiba donkti ha kane ka jingialeh beijot kynhun ia kane ka kynthei.

Share post:

spot_img
spot_img

Popular

More like this
Related

SPL 2025 | Pynliem ka Mawlai da 6-2 kol ia ka Sawmer

Shillong, Nailar 07: Ka Mawlai hynne ka sngi ka...

Haduh 80-90 % lah ker sainar ha khappud ka Meghalaya – Bangladesh | Kwah ka Sorkar ban pyndep noh baroh

Shillong Nailar 07: Ka Sorkar Meghalaya kala pynkhreh ban...

Pynksan u Conrad ba wan iasoh NPP ki MLA ka Congress | Ym dei ba patan jubor ne pynbiej

Shillong, Nailar 07 : U Myntri Rangbah ka Jylla...