Shillong, Iaiong 11 : Ka Bharatiya Janata Party (BJP) kala dawa ban pynlong ia ka Special Intensive Revision (SIR) jong ka Electoral Roll hashuwa ban pynbna biang ia ka elekshon Garo Hills Autonomous District Council (GHADC).
“Ngi la dep ban pynbna (25 ngut ki kyrtong) 19 ngut ha ka thup ba nyngkong bad 6 ngut ha ka thup ba-ar. Kat ban poi ka por ba pynbna ia ka elekshon, ngin don kyrtong na baroh ki constituency” ong u Nongaiktien ka BJP Bah M Kharkrang haba iakren bad ki nongthoh khubor ha ka sngi Saitjain.
Ia ka elekshon GHADC la pynkynriah namar ka jingkulmar kaba mih na ka jingpyrshah ia ka jingioh iashimbynta ki bar jylla ha ka elekshon GHADC.
U Bah Kharkrang ula ban jur ia ka jingdonkam ka SIR ban pynthikna ba tang ki nongthep vote ba dei hok kin shah kynthup ha ka electoral roll.
“Ngi pdiang ia ka SIR bad ngi kyrshan ban pynlong ia ka, khamtam ha ki jaka ba don ki nongthep vote ba artatien. Dei ban pyndep ia ka hashuwa ka elekshon GHADC, kan bha eh hapoh u Iaiong” ula ong.
Halor ka kam rung kyrthep ki briew ba nabar, u Bah Kharkrang ula ong ba ka Sorkar Pdeng ba ialam da ka BJP kala shimkhia bha ia kane ka kam.
“Ka jingrung ki briew ba nabar ka dei ka jingeh bala slem, hynrei kam dei tang hadien ba ka BJP kala wan ha ka bor ba ka Sorkar kala shimkhia. Ka SIR ka dei kawei ka lynti ban ithuh ia ki mynder ri ba rung beain bad ka Sorkar kala leh ia ka kam ban khang ia ki” ula bynrap.
 kala dawa ban pynlong ia ka Special Intensive Revision (SIR) jong ka Electoral Roll hashuwa ban pynbna biang ia ka elekshon Garo Hills Autonomous District Council (GHADC).){kind=link}